وصفات لتفتيح البشرة

بسم الله الرحمن الرحيم
نبدا
خلطة سريعة لتفتيح الوجه ::
ملعقة صغيرة عسل+ عصير نص ليمونة+ ملعقة صغيرة حليب بودرة+ملعقة صغيرة نشا+ملعقة كبيرة زبادى
اخلطى المكونات مع بعض وحطيها على الوجه 1/2 ساعة او لغاية ماتنشف بعد كدة اغسليها بماء دافى وهاتلاقى نتيجة مرضية ان شاء الله

لبشرة بيضاء ووردية::
ملعقة ونص حليب بودرة +ملعقة ماء او حليب سائل مش هاتفرق كتير
اخلطيهم مع بعض لغاية ماتحسى انهم بقوا زى العجينة متجانسة الكثافة وحطيها على كامل الوجه ماعدا منطقة العينين وسيبها 1/3 ساعة او لما تنشف هاتحسى ان وشك مشدود شوية ودة عادى طبعا لما تشيليها هاتلاقى انها بتتشال بسهولة بعد كدة اغسلى وشك وامسحيه بماء ورد

قناع طبيعى ويفتح البشرة::
دة بقى سهل خالص ومن حاجة واحدة بس هى القشطة وطبعا القشطة هاتطرى البشرة جدا انتى بس حطيها ساعة على
وشك بعد كدة اغسلى وشك هاتلاقى ان بشرتك بقت فاتحة ووردية

ودى مجموعة تانية ان شاء الله تعجبكم
اول وصفة هى القهوة ودى بجد بتفتح جامد انتى بس تاخدى الشوية اللى بيتبقوا فى الفنجان بيبقوا تقال شوية تدهنى بيهم ايديكى وتسيبيهم لغاية ماتنشف هاتحسى بهوا فى ايديك بعد ماينشف البن تفركيه جامد من على ايديك وبعدين تغسليها كويس هاتلاقيها ابيضت ونعمت بس هاتكون ريحتها قهوة شوية انا بحطها كمان على كوعى وجربتها فى ركبة اختى بجد جامدة بس لسة ماجربتهاش على وش حد لما اجربها هاقولكو

تانى وصفة هى الليمون بدعك وشى بنص ليمونة هو بيحرق شوية بس عادى ممكن الواحد يستحمل شوية وحلو اوى كمان للايدين وبعد ماينشف وتغسليه حطى على وشك مية ورد وياسلام بقى لو تمشى على وشك قطعة تلج هاتحسى بفرق

تالت وصفة بقى بودرة الاطفال تحطى عليها شوية مية ورد بس مش كتير يعنى حاولى تخلى الخليط تقيل شوية يعنى مقدارين بودرة عليهم مقدار مية ورد لما تحطيهم شوية وهاتحسى انك حاطة بودرة بس من غير حاجة بس عادى بقى ما انتى هاتغسلى وشك كويس انا بقى مش بتبان معايا النتايج من اول يوم بس تانى يوم بعد الخلطة بلاقى فرق بس عشان ماتحسيش ان بشرتك بقت جافة حطى على وشك مية ورد وبعدين مشى عليه قطعة تلج