المساهمات : 289 تاريخ التسجيل : 03/04/2008 الموقع : elahlam.forummaroc.net
موضوع: بعض المعجنات بس لو.... الجمعة أبريل 11, 2008 11:55 am
صورة اول صنف ....بيتزا
طبعا بعجينة العشر دقايق لفيافي نجد الله يجزاها خير اللي على الوجه في الاول كشنت بصل مع شوي ثوم ولما ذبلت حطيت طماطم مقطعه ناعم وفلفل رومي مقطع وشوي صلصه ومكعب ماجي وفلفل اسود وملح .....وبعد ماتسبكت طفيت النار وبعدين دهنت منها على وجه البيتزا ثم حطيت الموزاريلا وزيتون شرايح اخضر وزعتر اوريغانوا....ودخلتها الفرن الين استوت
وهذا ثاني وثالث صنف فطاير سجق وكرواسان جبنه
وهذي كمان كلها بنفس العجينه ....وطريقة فطاير السجق : بعد مافردت العجينه لمربع كبير قطعته لمربعات صغيره حسب مقاس السجق اللي عندك ودهنت كل مربع بشوي خردل وكتشب وحطيت عليه السجق لكن تركت شوي من اطراف السجق برا العجينه ولفيتها رول ...ورصيتها في صينيه ودهنت وجهها بالحليب وبعدين دخلتها الفرن>>>احلفي
الكرواسان : اول شي الجبنه البيضا هرستها وخلطتها مع شوي لبنه فردت العجينه لدائره كبيره خفيفه نوعا ما ....وبعدين قصيتها بقطاعة البيتزا على شكل مثلثات نحيفه ...وبعدين دهنتها بشوي زيت وحطيت على كل مثلث شوي من الحشو في الطرف الخارجي للعجينه ولفيتها على جوه ..وبعدين رصيتها في صينيه طبعا ودخلتها الفرن
اما الصنف الرابع فهو شي ثاني وهو الموالح الملكيه
وهو بسكوت مالح حسب الشكل والمقاس اللي تريديه .......وبعدين جيبي توست وقطعيه بنفس حجم البسكوت
ادهني كل قطعة توست من الناحيتين بجبنه سايله ولصقي فيها بسكوته بحيث يكون التوست في النص كأنه حشوه رصي البسكوت في صينيه ....وبعدين اخلطي بيضه مع ملعقه جبنه سايله وحطي شوي من هذا الخليط على كل حبه وتحطي كمان اذا حبيتي شوي فلفل رومي مقطع صغير ومارتديلا او سجق وبعدين رشيه بزعتر الاوريغانوا ودخليه الفرن من فوق بس عشان يستوي البيض بدون ما يتغير لون البسكوت
وصدقيني كلامه كثير بس هوسهل وفخم ولذيذ وماحد يصدق انه شغل بيت
الجمعة أبريل 11, 2008 11:55 am
